Festîvala Mazlûm Dogan bi slogana ‘Ji Îmrailye re hezar silav’ destpêkir

1-DSC_0133

Festîvala Ciwan, Çand û Sporê ya Mazlûm Dogan a 20’emîn bi beşdariya bi hezaran ciwanan dest pê kir. Bi hezaran ciwan beşdarî festîvalê bûn û ciwanan di festîvalê de sloganên “Bijî Serok Apo” berzkirin.

BLEGNY – ROJACIWAN

Festîvala Ciwan, Çand û Sporê ya Mazlûm Dogan a 20’emîn li navçeya Blegnyê ya Lîege ya Belçîkayê bi beşdariya bi hezaran ciwanan dest pê kir. Li tesîsên sporê yên ku festîval lê tê lidarxistin posterên Rêberê Gelê Kurd Abdullah Ocalan, Mazlûm Dogan û yên ku di têkoşîna azadiyê ya Kurdistanê de jiyana xwe dest dane, alayên PKK, Komela Ciwan û pankartên “Rêber Apo azad bike”, “Kapîtalîzmê nejî, nede jiyîn” û “PKK tevgereke fedaî ye” hatin hildan.

Festîval bi rêzgirtinê dest pê kir û “Meşa Azadiyê” domiya. Ciwanan eleqeyeke germ nîşanî meşa azadiyê dan.

Festîval bi maça fînalê didome ya ku di navbera Welat Spor û Ciwanên Azad de tê lîstin.