HPG’ê nasnameya 13 gerîlayên li Bestayê şehîd bûn eşkere kir

Navenda Ragihandin û Çapemeniyê ya HPG’ê diyar kir ku li herêma Bestayê di encama êrîş û operasyonan de, Fermandara Biryargeha Navendî ya YJA Starê Delal Amed jî di nav de 13 gerîla bi berxwedaneke mezin şehîd bûne.

BEHDÎNAN – ROJACIWAN

Di daxuyaniya nivîskî ya Navenda Ragihandin û Çapemeniyê ya HPG’ê de ev agahî hatin dayin:

“Desthilatdariya faşîst a AKP-MHP’ê, ji bo qirkirina Kurdan temam bike hemû derfetên dewletê bi kar tîne û li dijî gelê Kurd şerekî topyekûn dike. Ji ber êrîşên desthilatdariya faşîst her roj şer diqewime. Hêzên me yên gerîla li dijî hewldanên dagirkeriyê yên dijmin hem bi berxwedanê hem jî bi ruhê êrîşê çalakiyan dikin û dikin ku dijmin gelek kuştiyan bidin. Desthilatdariya faşîst a AKP-MHP’ê ku raya giştî ya Tirkiyeyê dixapîne, di her serdemê de ji bo qedandina gerîla dem daye. Herî dawî Wezîrê Karên Hundir ê Tirk Soylû gotibû ku wê gerîla heta 20’ê Mijdarê biqedînin. Li dijî gotin û daxuyaniyên şerê taybet ên AKP’ê, gerîla li çiya û bajarên Kurdistanê destanên berxwedanê dinivîsînin. Gotin û êrîşên faşîst pûç kirin û hê jî pûç dikin.

Yek ji berxwedana herî girîng a gerîla li herêma Besta ya Botanê hate kirin. Weke ku raya giştî jî pê zane, artêşa TC a dagirker roja 3’ê Mijdarê bi desteka hewayî, hêzeke berfireh a leşkerî û bi beşdariya bi sedan kontrayî li herêma Besta ya Şirnexê dest bi operasyonê kir. Ji roja destpêkê ve li qada operasyonê şerekî giran qewimî. Li dijî gelek hêzên dijmin ên dixwest ji bejahî ve bi pêş ve biçin, hêzên me yên gerîla çalakiyên bi bandor kirin. Artêşa TC ji ber ku nekarî li dijî gerîla şer bike, mîna her carê serî li hêza teknîkê da û ji hewayê ve bi bomberdûmanê xwest encamê bigire. Di dema vê operasyonê de ku hê jî dewam dike, dijmin gelek kuştî da. Şehîdên me jî çêbûn.

Li gorî agahiyên ji qada şer hatin û zelal bûn, hevala me Delal Amed a di fermandariya herêma Botanê de cih digirt û komek ji hevalên me bi lehengî li ber xwe dan û di encama vê berxwedanê de gihîştin şehadetê.

Hevala me Delal Amed (Hulya Eroglû), sala 1975’an li Amedê ji dayik bû û ji sala 1992’an û vir ve di nava refên têkoşînê de cih girt. Hevala me Delal ku ji Rêber Apo perwerde dît, heta dawiya jiyaan xwe bi Rêbertî û partiya me re dilsoz bû û milîtaneke fedakar bû. Li her qada lê bû, di asta herî bilind de bi berpirsyarî rabû, tevlî nava têkoşînê bû û kedeke mezin da. Hevala me Delal bi kesayetiya xwe ya fermandar derkete pêş û hevaleke me ya ku ji aliyê leşkerî ve xurt û fermandareke fedayî bû. Hevala me Delal, endama Konseya Fermandariyê ya HPG’ê û fermandara Biryargeha Navendî ya YJA Starê bû. Hemû erk û wezîfeyên xwe bi ruhekî gelekî mezin ê serketinê bi cih anî. Yek ji wan hevalan bû ku li dijî êrîşên faşîst ên dewleta Tirk berxwedana gerîla koordîne dikir. Hevala me Delal Amed ku di nava têkoşîna azadiyê ya Kurd de bû sembolek, ji niha û pê ve wê di berxwedana gerîla de bibe yek ji hevrêyên me yên mînak. Jiyan û kesayetiya wê, wê timî rê nîşanî me bide.

Tevî hevala Delal, 12 hevalên me yên ku li qadên cuda yên Bestayê ji ber êrîşa hewayî şehîd bûn, her yek ji wan bûn abîdeya berxwedanê. Di serî de hevala Azê Malazgîrt, hemû hevrêyên me yên şehîd bûn, wê bibin navê meşa bi eşqa azadiyê ber bi serketinê ve. Dilsoziya bi bîranîna wan re wê ji bo serketinê bibe yekane çavkaniya em.”

Li gorî daxuyaniyê, nasnameya gerîlayên şehîd bûn wiha ye:

Nasnav: Delal Amed
Nav paşnav: Hulya Eroglû
Cihê jidayikbûnê: Amed
Dayik-Bav: Vetfa-Mûstafa
Dem û cihê şehadetê: 11’ê Mijdara 2017 / Şirnex

Nasnav: Azê Malazgîrt
Nav paşnav: Asli Ozkaya
Cihê jidayikbûnê: Îzmîr
Dayik-Bav: Fatma-Behrem
Dem û cihê şehadetê: 11’ê Mijdara 2017 / Şirnex

Nasnav: Agît Ozgur Ronî
Nav paşnav: Sercan Baran
Cihê jidayikbûnê: Êlih
Dayik-Bav: Îlkay-Seyfî
Dem û cihê şehadetê: 15’ê Mijdara 2017 / Şirnex

Nasnav: Dîcle Erdem
Nav paşnav: Zelîha Karatay
Cihê jidayikbûnê: Agirî
Dayik-Bav: Nazîme-Mûstafa
Dem û cihê şehadetê: 11’ê Mijdara 2017 / Şirnex

Nasnav: Firat Tolhildan
Nav paşnav: Mehmet Şîrîn Îşlak
Cihê jidayikbûnê: Şirnex
Dayik-Bav: Sûltan-Mehmet
Dem û cihê şehadetê: 15’ê Mijdara 2017 / Şirnex

Nasnav: Hozan Mizgîn
Nav paşnav: Serhat Ozcan
Cihê jidayikbûnê: Êlih
Dayik-Bav: Ayhan-Îhsan
Dem û cihê şehadetê: 15’ê Mijdara 2017 / Şirnex

Nasnav: Ronahî Amed
Nav paşnav: Ferfûre Ûçakan
Cihê jidayikbûnê: Amed
Dayik-Bav: Havva-Abdullah
Dem û cihê şehadetê: 11’ê Mijdara 2017 / Şirnex

Nasnav: Viyan Rûken
Nav paşnav: Ceylan Gungen
Cihê jidayikbûnê: Şirnex
Dayik-Bav: Husna-Yûsûf
Dem û cihê şehadetê: 11’ê Mijdara 2017 / Şirnex

Nasnav: Viyan Mazlûm
Nav paşnav: Gulê Cûmo
Cihê jidayikbûnê: Heleb
Dayik-Bav: Nazli-Mûhammed
Dem û cihê şehadetê: 15’ê Mijdara 2017 / Şirnex

Nasnav: Zozan Herekol
Nav paşnav: Evîn Çetînkaya
Cihê jidayikbûnê: Êlih
Dayik-Bav: Hatûn-Şukru
Dem û cihê şehadetê: 15’ê Mijdara 2017 / Şirnex

Nasnav: Zozan Cûdî
Nav paşnav: Zozan Temîr
Cihê jidayikbûnê: Qamişlo
Dayik-Bav: Ayşen-Mûhammed Şerîf
Dem û cihê şehadetê: 15’ê Mijdara 2017 / Şirnex

Nasnav: Doktor Şoreş
Nav paşnav: –
Cihê jidayikbûnê: –
Dayik-Bav: –
Dem û cihê şehadetê: 15’ê Mijdara 2017 / Şirnex

Nasnav: Ferhat Mamxurî
Nav paşnav: –
Cihê jidayikbûnê: –
Dayik-Bav: –
Dem û cihê şehadetê: 15’ê Mijdara 2017 / Şirnex