Dimayê aye ra heme waştî bibê Berîvan

Cinîyê Botanî aye sey cinîyê mintiqaya xo dîne. Cizîre de 16 Çele 1989 de bi îxbarkerdişî, keyeyê ke tede mendêne ame tespîtkerdiş û pêrodayîş de merde. Bi merdişê Binevşe şar zaf hêrs bi. Her keye, nameyê kêna xo kerdî Berîvan.

ŞIRNEX – ROJACIWAN

Binevş Agale (Berîvan) nameyê xo destane Kurdan ê ‘Cembelîyê Mîrê Hekkarî û Binevşa Narîne ra girewtbî û Binevşe (Berîvan) Cizîre de bî nîşaneya xoverdayîşê cinîyan. Cizîre de serre 90an de cinîyê ke beşdarê Newroze bîbî, hema zî xoverdayîşê Binevşe û vindarnayîşê aye hêzîn qalî kenê.

Adirê Newroze emsar bi sloganê “Qetî ma do qezenç bikerê” ame wekerdiş. Startê Newroze 1992 Rehşan Demîrele ke bedenê xo da adir ver bajarê aye û reyna 1992 de sey bi xoverdayîş Newroze yeno zanayîş Nisêbîn de da. Semedê Kurdan nîşaneyê xoverdayîşê adirê Newroze bedenê cinîyan de bi we û 90an ra nat cinîyan de sey nîşaneyê Newroze ame nê rojan. Înan ra yew zî rayberîya ewil a Binevş Agal (Berîvan). Binevşe no sebeb ra bî nîşaneya cinîyê Newrozan û ardilê aye no adirî girs kerdî.

Nameyî xo yew destane ra girewte

Binevşe, serra 1966 qezaya Êlihî Beşîrî de keyeyê Êzidîjî de ameya dinya. Nameyê xo destane Kurdan ê ‘Cembelîyê Mîrê Hekkarî û Binevşa Narîne ra girewtbî û nêzanayne ke do Kurdîstan de bibo destane. Binevş û keyeyê aye semedê tedayê derbeyê serra 1980 12 Êlule sey xeylê Êzidîyê Kurdîstanî koçê Ewropa kerdî.

Êzidîyan ser xeylê bandure kerd

Goreyê qalîkerdişê waya Binevşe, Xanê Agale wexto ke Binevşe 16 serre bena zaf kitab wanena. Bi beşdarbîyayîşê PKKî ra bandure ser ê Êzidîyan kena. Cizîre de faalîyetê rêxistînî rayîr ra bena û Binevşe ya zî goreyê şarê Botanî Berîvane, heme aye ra hes kenê û rûmetê hemine ci rê bi.

Zerrîya şarî de ca girewte

Binevşe zerrîya şarî de text da ro û taybetî zî semedê cinîyan aktîf bikero û azad bikero lebate kerde. Binevşe bi uslûbê xebate, têkilîyê aye şarî dir, heskerdişê aye domanan, rûmet dayîşê aye extîyaran ser û bi vinderstişê xo şarê Botanî ser bandure kerd. Botan de keye bi keye, tax bi taxe hedefê aye de bireso cinîyan. Rastîyê rayberîya cinî û rêxistinbîyayîşê şarê Botanî şexsê Binevşe de ameyne cuyayîş.

Şar zaf hêrs bi

Cinîyê Botanî aye sey cinîyê mintiqaya xo dîne. Cizîre de 16 Çele 1989 de bi îxbarkerdişî, keyeyê ke tede mendêne ame tespîtkerdiş û pêrodayîş de merde. Bi merdişê Binevşe şar zaf hêrs bi. Her keye, nameyê kêna xo kerdî Berîvan.

Serewedartişê Newrozê Cizîre, Berîvane rêxistin kerdibî û bi kedê ke pîl cinîyê ke rêxistin kerdebî dimayê merdişê aye, kuçan de bî rayberê xoverdayîşî

‘Seke yew nê hezar cinî şehîd kewtî’

Cizîre de cinîyê ke beşdarê Newroze serra 90an bî, hema zî vindertişê hêzîn ê Binevşe û xoverdayîşî aye destane qalî kenê. Dilfurûz Olmez derheqê Binevşe de vana, “Binevşe zaf cinîyê ke hêzdare bî. Wexto ke aye şehîd kewte kêna yê ke ameyî dinya nameyê aye dîya ci. Cinîyê ciwanî waştine nameyê aye kodî bixebitnê û nameyê xo bikerê Berîvan. Keyeyêk de bi pêrodayîş şehîd kewte, ma kewtî şehadetê aye ver.”

‘Cayê ke aye tede bî cinîyan rê asayîş ameyne’

Meryem Polate zî wina va, “O wextî de cinî nêvejîyayne kuçeyan û xo bi rêxistin nêkerdêne. Berîvane amebî û hêz da bî ma hemine. Ma aye ra zaf hes kerd. Merdim nêeşkeno vindertişê aye qalî bikero, werrekna hemine aye bidîne û nas bikerdêne. Bêters bî û bi xo zaf bawer bî. Şarî rê rayîr mojnayne û şar dimayê aye şîne. Seke ca yê aye asayîş bo, ma rê wina ameyne. Ma o wext zî vatêne ‘sey Binevşe êdî do kes nêro dinya.’ La dimayê aye heme waştî bibê Binevşe û ca yê aye pir bikerê.”